ԲԿԱ Մենթորության Ծրագրի միջոցով Մասնագիտական Ցանցերի Զարգացում

2025 թվականի մարտի 12-ին, «Բիզնես և Կրթություն Ասոցիացիան» (ԲԿԱ) կազմակերպեց Մենթորության Ծրագրի Նեթվորքինգ Միջոցառում՝ «Ասոցիացիայի Գործընկերության Ծրագրի» շրջանակներում: Միջոցառումը նպատակ ուներ ամրապնդելու համագործակցությունը ԲԿԱ-ի անդամ մենթորների և մենթիների միջև՝ խթանելով մասնագիտական աճը և նոր ցանցերի ձևավորումը: Միջոցառմանը մասնակցեցին գործարարներ, ՄԿՈւ հաստատությունների տնօրեններ, կրթական ոլորտի ներկայացուցիչներ, ինչպես նաև ԲԿԱ գործընկերներ: Բացման խոսքում ԲԿԱ նախագահ Մարինե Ժամկոչյանը ընդգծեց մենթորության և նեթվորքինգի կարևորությունը՝ մասնագիտական աճի և փորձի փոխանակման մեջ: Նա ներկայացրեց Մենթորության Ծրագրի ընթացիկ փուլը, միջազգային փորձը և զարգացման հեռանկարները: Այնուհետև, Սուսաննա Խաչատրյանը, ԲԿԱ խորհրդի անդամը և փորձագետը, ներկայացրեց Մենթորության Ծրագրի ռազմավարությունը՝ անդրադառնալով ծրագրի նպատակներին ու հնարավորություններին, որոնք այն բացում է մասնակիցների համար: Միջոցառման ընթացքում ձևավորվեցին հինգ խմբեր, որոնք քննարկեցին հետևյալ թեմաները՝  Առաջնորդության զարգացում- Մենթիների համար կարևոր երեք առաջնորդական մարտահրավերներ և մենթորների դերը դրանց հաղթահարման մեջ:  Կարիերայի աճ- Մենթորի աջակցությամբ կարիերայի «ճանապարհային քարտեզի» ստեղծում՝ նպատակների և զարգացման ծրագրերի սահմանմամբ:  Մարտահրավերների հաղթահարում- Մենթորությունը որպես դիմակայության և խնդիրների լուծման գործիք:  Ցանցային հմտություններ- Մենթիների մասնագիտական կապեր հաստատելու սխալների վերլուծությունը և մենթորների աջակցությունը:  Սոցիալական ձեռնարկատիրություն- Մենթորությունը՝ որպես ձեռնարկատիրության զարգացման կարևոր գործիք: ԲԿԱ նախագահ Մարինե Ժամկոչյանը ամփոփեց քննարկումները՝ առանձնացնելով համագործակցության կարևորագույն կետերը՝ փոխադարձ վստահությունը, նպատակների հստակ սահմանումը և շարունակական ուսուցման անհրաժեշտությունը: Նա կարևորեց Մենթորության Ծրագրի կարիքը՝ ոչ միայն մասնագիտական աճի համար, այլև կրթության և գործատուների միջև համագործակցության խթանման համար: Միջոցառումը հնարավորություն ընձեռեց մասնակիցներին՝ ստեղծել նոր կապեր, բացահայտել նոր հնարավորություններ և շարունակել իրենց մասնագիտական զարգացումը։ «Բիզնես և Կրթություն Ասոցիացիան» շարունակելու է իրականացնել նմանատիպ միջոցառումներ՝ ամրապնդելու կրթության և բիզնեսի միջև փոխշահավետ համագործակցությունը։